Në Itali lehtësohen masat, por kjo nuk pritet mirë nga bizneset dhe qytetarët – Librashitësit janë veçanërisht të shqetësuar
Qeveria italiane lejoi të hiqen disa masa bllokimi të martën, por shumë italianë kanë frikë se një zbutje e rregullave do të rezultojë në një valë të dytë të rasteve të koronavirusit.
Në përgjigje të numrit në rënie të vdekjeve dhe rasteve pozitive të COVID-19 në vend, kryeministri Giuseppe Conte njoftoi të martën se disa biznese do të lejoheshin të rihapnin. Këto përfshijnë librari, dyqane rrobash për fëmijë dhe dyqane shkrimi. Prodhimi i kompjuterave dhe aktivitetet pyjore gjithashtu janë lejuar të rifillojnë.
Pavarësisht nga kjo, ka pasur një hezitim të theksuar nga pronarët e dyqaneve për të hapur grilat, në veçanti shitësit e librave që janë bashkuar për të shprehur shqetësimet e tyre për rihapjen.
Dyqanet mund të rihapen vetëm nëse ndjekin masat e sigurisë siç janë higjenizimi i dyqanit dy herë në ditë dhe sigurimi i distancës sociale të klientëve. Por pronarët e dyqaneve të librave kanë frikë se kjo nuk do të jetë e mjaftueshme për të parandaluar përhapjen e mundshme të virusit.
“Puna e një shitësi librash përfshin komunikimin për një kohë të gjatë ballë për ballë,” shkruajtën ata në letër, “një praktikë që, nëse nuk rregullohet siç duhet, krijon rreziqe të dukshme sanitare.”
Megjithë luftën ekonomike, për shumë, rreziqet shëndetësore vijnë përsëri të parat. “Ne nuk kemi ndërmend të ekspozojmë veten për qëllimin e vetëm të marrjes së parave”, përfunduan shitësit e librave në letrën e tyre, “e cila mund të ndodhë vetëm kur shëndeti i të gjithëve është i sigurt.”
D.B – SCAN
Burimi: Forbes
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.