Në kërkim ndërkombëtar – Policia arreston 51 vjeçarin në Durrës
Specialistët për Hetimin e Narkotikëve në Drejtorinë Vendore të Policisë Durrës, në bashkëpunim me Interpol Tirana dhe me Zyrën e Interforcës së Policisë italiane kanë arrestuar shtetasin shqiptar me iniciale K.P, 51 vjeç, banues në Durrës.
K.P ishte shpallur në kërkim ndërkombëtar nga autoritetet Gjyqësore në Itali dhe është dënuar me 15 vjet burg për kryerjen e veprës penale “Grup kriminal me qëllim trafikimin e lëndëve narkotike”
Referuar njoftimit të policisë, po vijon puna për kapjen e personave të tjerë, të cilët janë shpallur në kërkim ndërkombëtar.
Materialet hetimore i kaluan Prokurorisë Pranë Gjykatës së Shkallës së Parë Durrës për veprime të mëtejshme.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.