Në minimum renta minerare – 630 subjekte kanë paguar vetëm 4 mln dollarë në 2017
Megjithëse në sektorin e minierave rezultojnë 630 leje, të ardhurat nga renta minerare rezultojnë në nivele shumë të ulëta.
Televizioni Scan ka zbardhur rezultatet e mbledhjes së Këshillit Teknik të Agjencisë Kombëtare të Burimeve natyrore, të zhvilluar në korrik, sipas të cilit, për gjashtë muajt e parë të vitit subjektet private kanë paguar vetëm 4 milionë dollarë në formën e rentës minerare.
Sipas të dhënave zyrtare, Rente Minerare e paguar për 6-mujorin e pare nga sektori metalor është 304 milionë lekë dhe 1.2 milionë dollarë. Në total numërohen 630 leje minerare, nga të cilat 312 leje janë në grupin e mineraleve metalore.
13 leje në industrinë e bakrit, 258 leje kromi, 6 leje sterile kromi, 30 leje hekur-nikel dhe nikel- silikat, 1 leje boksite, 1 leje magnez, 1 leje skorje ferrokromi dhe një leje nikel- sulfur & krom.
Në Sektorin Minerar Metalor numërohen 4242 të punësuar. Niveli I rentës prej 4 milionë dollarësh rezulton shumë I ulët duke parë sasinë e kromit të nxjerrë gjatë gjashtë muajve të parë të vitit, I cili I kalon 350 mijë tonët.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.