Në ndihmë të familjeve të varfra, Rama: Kemi bërë një listë të shtëpive që do rindërtojmë
Familjet që janë në varfëri ekstreme qeveria do t’iu ndërtojë shtëpi. Kryeministri Rama gjatë vizitës prej njërës prej familjeve, shtëpia e të cilëve u ndërtua brenda 3 javëve, deklaroi se janë edhe disa shtëpi të tjera në proces.
“Ne kemi bërë një listë të këtyre familjeve, disa që janë në proces, do fillojmë të tjera, do t´i ndihmojmë, sepse ashtu, në atë gjendjen ekstreme, nuk janë shumë, për fat të mirë,” tha ndër të tjera Kryeministri Rama.
Në fillim të muajit shtator Kryeministri Rama dhe ministrja Manastirliu vizituan familjen e Hysen Zhupanit në Shijak ku panë nga afër gjendjen mjaft të rënduar në të cilën ndodhej kjo familje me 5 anëtarë.
Brenda një muaji filloi të vihej në zbatim projekti, për ta rikthyer ndërtesën e rrënuar në një banesë me kushte bashkëkohore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.