Në pranga ministri i Mjedisit/ Shkaku: Keqmenaxhimi i ujit të pijshëm në zonën e Pernikut

Ministri i Mjedisit dhe Ujërave të Bullgarisë, Neno Dimov është arrestuar pas krizës së ujit në zonën  e Pernikut. Dimov është akuzuar nga Prokuroria për keqmenaxhim të qëllimshëm.

Ai kishte dhënë leje që uji i pijshëm të përdorej për qëllime industriale, cka ka shkaktuar edhe krizën e ujit në këtë zonë. Rajoni i Pernikut po përballej prej dy muajsh me probleme furnizimi me ujë të pijshëm.

Pas akuzës së prokurorisë, Dimov ka dhënë dorëheqjen nga detyra e ministrit. Nga ana tjetër, kjo ka sjellë një serë reagimesh kundërshtuese e protesta ku kërkohet dorëheqja e vetë kryeministrit Boyko Borissov.

Sipas “Reuters”, Dimov rrezikon të dënohet deri në 8 vite burgim nëse shpallet fajtor nga gjykata.

Burimi Reuters/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.