“Në pranverë hapim kufijtë me Kosovën”, Rama: Tre arsye të refuzimit të ministrit të ri të Punëve të Jashtme
Kryeministri Rama gjatë takimit me trupën diplomatike të akredituar në Shqipëri, u ka kërkuar këtyre të fundit të vendosin kontakte me ministrat e rinj të qeverisë. Kreu i qeverisë nuk la pa prekur edhe situatën e krijuar me presidentit Ilir Meta pas refuzimit si ministër të Punëve të Jashtme të Gent Cakaj.
“Takimin po e bëjmë jo si gjithmonë, por tani sepse fundi i vitit të kaluar ishte shumë intensiv. Ju sot erdhët këtu gjetët një qeveri të re por një Shqipëri të njëjtë, dhe me avazin e Presidenti të Republikës ai nuk pranoi të dekretoi një ministër të jashtëm, por unë nuk e parashikoja dot këtë fakt. Falënderim atyre anëtarëve që i bashkohen qeverisë tonë dhe atyre që largohen. Skam asnjë dyshim që do ti japin vendin një progres në çdo aspekt gjatë këtij viti. Ju inkurajoj të vendosni kontaktet me ministrat e rinj për të vazhduar atë marrëdhënien që kishit me pararendësit e tyre. Shtrëngatat e aktualitetit po marrin gjithnjë e më shumë forma të paparashikueshme, destruktive dhe irracionale. Megjithatë, Shqipëria një vend i vogël beson fuqishëm tek rruga e vlerave”.
Refuzimi i Cakajt, Rama: Nuk ka predikuar për ndryshime kufijsh
Kryeministri Rama gjatë takimit me trupën diplomatike në Shqipëri është ndalur edhe te refuzimi i Presidentit për ministrin e ri të Punëve të Jashtme Gent Cakaj. Sipas Ramës Cakaj po sulmohet për tre arsye kryesore.
“Më vjen keq që i ardhuri ynë nga Prishtina e ka nisur rrugëtimin e tij si ministër në pazakonshmëri. Paragjykimet, balta dhe mllefi i injorantëve kanë bërë që të gjykohet pa e hapur ende gojën. E kanë sulmuar dhe shkelur dinjitetin e tij për të paktën tre arsye. Sepse është shumë i ri, d.m.th. nuk i përket botës së tyre të vjetër. Së dyti është shumë i pastër, d.m.th. nuk mund të akuzohet për asgjë, dhe së treti sepse është nga Prishtina, d.m.th. që një shqiptar nga Kosova nuk mund të marrë një detyrë kaq të lartë, po ama si Kosovar mund të përdoret si mish për top nga të gjithë ata që haptas apo nen rrogoz i janë kundërvënë egërsisht me vandalizëm verbal dialogut Kosovë – Serbi.
Unë nuk kam zgjedhur Gent Cakën, as si kosovar, as si i ri, por si një shqiptar europian. Fillimisht ia nisi si këshilltar dhe më pas si zv/ministër. Ai kurrë nuk ka shprehur asgjë që bie ndesh me politikën tonë të jashtme. Kush e thotë ose është keqdashës ose është keqlexues. S’ka predikuar kurrë ndryshime kufijsh në Ballkan e as ka ndërhyrë në një çështje si ajo e Kosovës dhe Serbisë”, u shpreh Rama.
Marrëdhëniet me Kosovën dhe shtetet fqinjë
“Në pranverë do të hapim kufijtë me Kosovën. Dëshirojë që askush të deformojë qëllimin dhe përmbajtjen e këtij akti duke e ricikluar përsëri në atë vazhdën e mbetjeve nacional-folklorizmave. Ajo çka ne do të bëjmë është shumë e thjeshtë: kemi marrë të gjithë regjimin e shegën. Një kufi fluid sipas modelit shegën. Të njëjtën gjë do të bëjmë edhe me Maqedoninë. Një kufi fluid sipas zonës shegën. Ndërsa hapjen e kufijve duam ta arrijmë edhe me Malin e Zi”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.