Në pritje të Forumit Ekonomik ‘Shqipëri – Hungari’! 20 kompani hungareze interes për bashkëpunim me biznesin shqiptar
Agjencia Shqiptare e Zhvillimit të Investimeve (AIDA), në bashkëpunim me Dhomën Hungareze të Tregtisë dhe Ambasadën Hungareze në vendin tonë do të organizojnë më 10 Prill Forumin Ekonomik Shqipëri – Hungari.
Sipas AIDA-s, ky forum synon forcimin e bashkëpunimit ndërmjet dy vendeve, rritjen e partneritetit si dhe shkëmbimin e eksperiencave midis bizneseve. Në këtë aktivitet do të jenë të pranishëm 20 kompani hungareze, të cilat kanë shprehur interesin e tyre për partneritet me kompanitë shqiptare.
“Kompanitë hungareze janë ndër më prestigjiozet në sektorët e Agroindustrisë, ICT-së, industrisë së lehtë, mjedisit, energjisë së rinovueshme, ndërtimit dhe elektronikës, të tilla si: Modernova Ltd, ELCOM Electronics and Communication LTD, Ongropack Ltd, Inwatech Environmental Ltd, Aqvital Mineral Water Co, UNICHEM Chemical Industry,Trade and Service Ltd, EastEuroCo Executive Search Group, 3F PROJECT Ltd, CEH Inc, Hidrocomplex Consulting Engineering Ltd, Studio A4 Office Ltd, ARH Inc., Kristaly Ltd, Amnis Water Technology Ltd, Ble-Sys Hewa Systems and Engineering Ltd., Naturaqua Environmental Protection Design and Service Ltd, Duplitec Kft dhe Globál Sport LLC”, thuhet në njoftimin e AIDA-s.
Të pranishëm në aktivitet do të jenë ministri i Shtetit Hungarez dhe Zv.ministrja e Zhvillimit Ekonomik, Tregtisë, Turizmit dhe Sipërmarrjes, Adela Karapici.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.