Në rrezik plazhet e detit Jon – Rrëshqitja e shkëmbinjve rrezikon turistët, mbyllet “Navagio”

Rrëshqitjet e shkëmbinjve pas një tërmeti në ishujt e detit Jon të Greqisë, kanë detyruar mbyllen e disa zonave piktoreske, gjë që ka ndikuar turizmin vendas. Më datë 13 Shtator, rrëshqitja e shkëmbinjve në plazhin popullor Navagio në ishullin Zakynthos, një nga destinacionet më të preferuara të Greqisë, dëmtoi 7 turistë.  Një tjetër rëshqitje ndodhi 6 ditë më vonë në ishullin Lefkada, që është një tjetër destinacion kryesor.

Në ishujt e detit Jon, shumica e brigjeve perëndimorë përbëhen nga shkëmbinj gëlqeror. Shkëmbinjtë e bardhë, deti blu dhe plazhi në ngjyrë të argjendtë, formojnë një pamje unike që tërheq turistët. Egremni ka qenë një nga plazhet më të njohura, megjithatë, tërmeti që ndodhi 3 vite më parë shkatërroi bregdetin.

Sipas banorëve, tërmeti me magnitudë 6.5 në Nëntor të vitit 2015, shkatërroi të gjithë plazhet, nga Katsiki e deri te Egremni.  Për të siguruar turistët, qeveria nuk ka zgjidhje tjetër përveç se të mbyllë disa nga plazhet fantastike. Për rrjedhojë, numri i turistëve ka rënë çdo vit, duke sjellë rënien e bizneseve në këto zona.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.