Në rrugë ‘me sytë katër’, Instat: Ulet me rreth 40 % numri i aksidenteve rrugore për shkak të sjelljes së këmbësorëve!
Një pjesën e parë të 2019-ës, numri i aksidenteve rrugore rezulton të ketë qënë më i vogël. Referuar publikimit më të fundit të Instat mbi aksidentet rrugore, në periudhën janar – qershor 2019, numri i aksidenteve rrugore ka qenë 10.9 % më i ulët se në të njëjtën periudhë të vitit paraardhës.
Në 2018-ën, në 6 mujorin e parë janë numëruar 801 aksidente rrugore, ndërsa në gjysmën e parë të këtij viti, ky numër ka qenë 714.
Megjithatë, duke analizuar të dhënat e Instat, rezulton se ka pasur një ‘ndërgjegjësim’ nga ana e këmbësorëve. Në gjysmën e parë të vitit 2019, numri i aksidenteve rrugore sipas sjelljeve së këmbësorëve është ulur me 36.1% krahasuar me gjysmën e parë të 2018-ës.
Këmbësorët, sipas Instat, nga të gjitha aksidentet e ndodhura në Janar – Qershor 2019, kanë qenë shkaktar të vetëm 14.1 % të rasteve.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.