Në sitë 158 farmaci – Task-Forca penalizon 79 shkelës të ligjit
Vazhdojnë kontrollet intensive në rrjetin e hapur farmaceutik për tregtimin e barnave pa recetë. Që nga krijimi i Task Forcës së ngritur nga Ministria e Shëndetësisë dhe Mbrojtjes Sociale, janë kontrolluar 158 subjekte farmaceutike në të gjithë vendin, nga të cilat 79 janë dërguar pranë Urdhrit të Farmacistëve për rishikimin e licencës.
Gjatë kontrollit të farmacive rezultojnë 79 shkelje administrative, nga të cilat, pjesa pjesa më e madhe për tregtimin e barnave pa recetë.
Më konkretisht: 32 subjekte “Tregtimi i barnave pa recetën e mjekut”, 26 subjekte “Mungesa e recetave të ekzekutuara sipas klasifikimit”, 14 subjekte “Farmacia tregton barna pa pullën e kontrollit të lëshuar nga AKBPM-ja” dhe 7 subjekte “Mosrespektimi i kushteve të ruajtjes dhe tregtimit me pakicë të barnave”.
Kontrollet do të vazhdojnë në të gjithë vendin, me qëllim që të gjitha farmacitë të respektojnë ligjin duke garantuar sigurinë e qytetarëve.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.