Në zemër të Europës ka një ‘flluskë’ imobiliare – Në 19 vende ka ‘dobësi’ në frontin e pasurive të patundshme!
Janë pikërisht 19 nga 31 vendet e Zonës Ekonomike Europiane që “tregojnë disa dobësi” në frontin e pasurive të patundshme me pasoja të pashmangshme mbi “stabilitetin e sistemit financiar”. Me fjalë të tjera, shumica e vendeve në fjalë do ta gjejnë veten “në një fazë të qëndrueshme ose të pjekur ekspansive të ciklit të tregut të pasurive të patundshme banesore” dhe disa prej tyre nuk kanë rikuperuar plotësisht nga efektet e “krizës globale financiare”.
Ky është aktvendimi i nxjerrë në muajt e fundit nga Bordi Europian i Riskut Sistemik ose ERSB. Holanda, Luksemburgu, Danimarka, Suedia dhe Norvegjia janë ndër më të rrezikuarat. Në listën e vendeve në risk përfshihen edhe Austria, Belgjika, Republika Çeke, Gjermania, Estonia, Finlanda, Franca, Irlanda, Islanda, Malta, Portugalia, Sllovakia, Sllovenia dhe Mbretëria e Bashkuar. Shkaku? Kombinimi i zakonshëm i faktorëve makro, natyrisht.
Shqetësuese, janë edhen “nivelet e borxhit dhe çmimet e mbivlerësuara”. Por edhe efektet e politikave fiskale dhe planeve të planifikimit urban, të gjithë faktorë që duhet të merren parasysh gjatë formulimit të supozimeve në lidhje me trendin e tregut, përveç kësaj, natyrisht, edhe në politikën monetare. Këtu gjithashtu, asgjë e re: strategjia akomoduese e BQE, e destinuar të vazhdojë pafundësisht sipas asaj që u deklarua kohët e fundit nga presidentja e re e Eurotower Christine Lagarde, ka rezultuar në nivele zero referente (kostoja e parave) të cilat nga ana e tyre kanë prodhuar hipoteka me kosto të ulët duke nxitur kështu kërkesën për shtëpi.
Por ky ekspansionizëm gjithmonë sjell një pasojë të paevitueshme: dobësinë e rritjes ekonomike. “Me dobësimin e këndvështrimit ekonomik, shkruan ERSB, ekziston një rrezik në rritje i një recesioni që mund të ketë ndikim në ciklin e pasurive të patundshme duke shkaktuar një kristalizim të dobësive të identifikuara.”
Alarmi nga agjencia e BQE-së mbështetet edhe nga një prej vëzhguesve kryesorë të tregut të pasurive të patundshme: banka zvicerane UBS. Në shtator, instituti publikoi raportin e tij të zakonshëm vjetor për sektorin, duke arritur në thelb të njëjtat përfundime. Taksat në zero favorizojnë krijimin e një ‘flluske’ në Eurozonë. Por ka edhe diçka tjetër: në 24 qytete të analizuara , të gjitha qendra të mëdha globale, bumi tani ka mbetur pas. Midis 2014 dhe 2018, çmimet janë rritur me një mesatare prej 35%, por në vitin e fundit, niveli i rritjes ka mbetur pothuajse i pandryshuar. Kjo nuk ka ndodhur që prej vitit 2012.
Për një në dhjetë europianë, pesha e këstit ose pagesa mujore për pasuri të patundshme tejkalon 40% të të ardhurave totale. (valori)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.