“Nënë Tereza” shpall tenderin për COVID4 – Riparim dhe mirëmbajtje e sistemeve të ajrit. Fondi dhe detajet
Qendra Spitalore Universitare “Nënë Tereza” ka shpallur një tender me fond 1.2 milionë lekë për COVID – 4, i cili është përshtatur në ish qendrën Kristal.
“Riparim-mirëmbajtje e sistemeve të ajrit të vakumuar dhe komprimuar, tanker oksigjeni, linjat dhe pajisjet përkatëse, në spitalin Covid-4” është objekti i tenderit, i cili ka një vlefshmëri 12 mujore, por me të drejtë shkëputje në momentin e mbylljes së vetë spitalit COVID.
Sipas detajeve të tenderit, sistemet e gazeve mjekësore do të duhet të mirëmbahen dhe riparohen në çdo orë të marrjes së njoftimit. Shërbimet teknike do të kryhet në fundjavë, të shtunë dhe të diel, pa penguar kryerjen e aktivitetit spitalor, ndërsa defektet e çastit do të riparohen menjëherë, në momentin e marrjes së njoftimit.
Ndër të tjera, shërbimet dhe grafiku i ekzekutimit përfshin sistemet e furnizimit me gazra mjekësorë ekzistuese, përfshirë këtu shërbimet në kompresor ajri, pompa vakumi, llambat e sinjalizimit, etj.
Nga ana tjetër, tenderi parashikon shërbime edhe për sistemin e furnizimit me oksigjen. Më poshtë, inventari i instalimit të pajisjeve në COVID4, sipas dokumentacionit të tenderit.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.