Nënshkruhet marrëveshja për heqjen e tarifave roaming midis 6 vendeve të Ballkanit Perëndimor

Gjashtë vendet e rajonit të Ballkanit perëndimor kanë nënshkruar sot në Beograd marrëveshjen për reduktimin e tarifave roaming deri në zerimin e tyre brenda vitit 2021.

Këtë e ka bërë të ditur ministri për sipë5rmarrjen, Eduard Shalsi, ministri për Sipërmarrjen përmes një postimi në profilin e tij në Facebook. Sipas Shalsit, pas këtij procesi vendi do të bëhet pjesë e Roam Like Home me Europën, ku përfitimet janë akoma më të mëdha.

“Lajm i mirë për gjithë vendet e Ballkanit Perëndimor! Nënshkruhet marrëveshja midis 6 vendeve të Ballkanit Perëndimor në Samitin Digjital në Beograd për reduktimin e tarifave roaming deri në zerimin e tyre brenda vitit 2021. Më pas, do të jemi pjesë e Roam Like Home me Evropën, duke patur përfitime të shumta. Shqipëria e ka paraprirë këtë proces me ndryshimet ligjore që i kanë hapur rrugë zbatimit të shpejtë të kësaj iniciative”, shkruan Shalsi.

Tashmë, me nënshkrimin e kësaj marrëveshje duke nisur nga data 1 korrik 2021, në secilin prej 6 vendeve të Ballkanit Perëndimor do të mund të flitet me koston e një telefonate lokale, dhe jo më me tarifat e çmendura të roaming.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.