Nëpunësve që shkaktojnë dëm t’u bllokohen të ardhurat – Erion Tase: Ligji të ketë edhe forcë prapavepruese, paratë të rikthehen në buxhet
Nisma ligjore e dërguar në Kuvend që parashikon mbajtjen nga paga të dëmit të shkaktuar nga nëpunësit publikë konsiderohet e domosdoshme nga shoqëria civile.
Drejtori Ekzekutiv i Akademisë së Studimeve Politike Erion Tase thotë se edhe vetë dënimi i zyrtarëve pa korrupsion nuk ka asnjë vlerë, as për shtetin, ashtu si dhe për taksapaguesit, në rast se një veprim i tillë nuk shoqërohet edhe me kthimin e shumës së dëmit në arkën e shtetit.
Tase bën me dije se organizata që drejton rreth 3 vite më parë ka ndërmarrë një nismë të ngjashme, e cila parashikonte vendosjen para përgjegjësive financiare drejtuesit e institucioneve të cilët përmes largimeve të padrejta nga puna, shkaktonin dëm financiar në arkën e shtetit.
Për fat të keq nisma nuk arriti në Kuvend, megjithëse kostot e vendimeve të gjykatave kundër largimeve të padrejta nga puna arrijnë dhjetëra miliona euro.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.