Netflix mban ‘premtimin’ – Çmime më të larta për abonimin duke filluar nga muaji Maj
Netflix me sa duket po mban ‘premtimin’ e bërë në muajin janar lidhur me rritjen e çmimeve në faturën e abonentëve duke filluar nga muaji maj. Gjigandi i filmave dhe serialeve u ka dërguar klientëve të tij një email duke u kujtuar se çmimet do të rriten me 1 deri në 2 dollar, sipas CNN Bussines.
Kompania kishte njoftuar muaj më parë mbi rritjen e çmimeve në Shtetet e Bashkuara të Amerikës nga 13 deri në 18 për qind. Ajo ka deklaruar se paratë shtesë do të ndihmojë për të paguar investimin e madh të Netflix në shfaqjet origjinale dhe filmat.
“Ne ndryshojmë formën e çmimeve kohë pas kohe, ndërsa vazhdojmë të investojmë në argëtimin më të madh dhe përmirësojmë përvojën e përgjithshme të Netflix”, tha kompania përmes një deklarate.
Kjo është e katra herë kur Netflix ka rritur çmimet për abonentët në Amerikë, ku rritja e fundit ishte në fund të vitit 2017. Por, kjo është hera e parë që çmimet janë më të larta dhe do të ‘godasin’ gjithsej 58 milionë abonentë në SHBA.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.