“Nga 1 janari, lojërat e fatit veprimtari e paligjshme” – Lleshaj publikon të gjitha masat e Policisë në 2019-n
“Nga data 1 janar nuk do të lejohen më lojërat e fatit. Kjo veprimtari bëhet e paligjshme. Çdo lokal që ushtron këto veprimtari do të mbyllet. E plotë dhe e pandalshme duhet të jetë veprimtaria ligjore i instancave të shtetit në zonat ku ushtrohet kjo veprimtari e paligjshme. Jam informuar mirë për masat e mira të marra nga policia për njoftimin e pronarëve, ashtu sikurse jam informuar për faktin se shumë pronarë lokalesh kanë marrë masa ndërkohë për ndërprerje e këtyre aktiviteteve. Nga data 1 janar 2019, në çdo lokal ku ushtrohet në mënyrë të hapur apo të fshehur veprimtaria e lojërave të fatit duhet të trajtohet si një parcelë kanabisi dhe si e tillë duhet trajtuar dhe si e tillë duhet të jetë qasja e Policisë së Shtetit”, deklaroi ministri i Brendshëm Sandër Lleshaj gjatë takimit me drejtuesit kryesorë të Policisë së Shtetit.
“Nga data 1 janar nuk do të lejohen më lojërat e fatit. Kjo veprimtari bëhet e paligjshme. Çdo lokal që ushtron këto veprimtari do të mbyllet. E plotë dhe e pandalshme duhet të jetë veprimtaria ligjore i instancave të shtetit në zonat ku ushtrohet kjo veprimtari e paligjshme. Jam informuar mirë për masat e mira të marra nga policia për njoftimin e pronarëve, ashtu sikurse jam informuar për faktin se shumë pronarë lokalesh kanë marrë masa ndërkohë për ndërprerje e këtyre aktiviteteve. Nga data 1 janar 2019, në çdo lokal ku ushtrohet në mënyrë të hapur apo të fshehur veprimtaria e lojërave të fatit duhet të trajtohet si një parcelë kanabisi dhe si e tillë duhet trajtuar dhe si e tillë duhet të jetë qasja e Policisë së Shtetit”, deklaroi ministri i Brendshëm Sandër Lleshaj gjatë takimit me drejtuesit kryesorë të Policisë së Shtetit.
Me pas Lleshaj u ndal edhe te masat e tjera që do të merren gjatë vitit 2019, nga modernizimi i policisë, trajtimi i familjeve të oficerëve të rënë në krye të detyrës ,e deri të trajtimi financiar i Policisë së Shtetit.
“-Kujdesi për Vitin e Ri, shtohen forcat policore në vendët kufitare, për ndalimin e personave me rrezikshmëri të lartë, në vendgrumbullimet e njerëzve, ndalimi i mjeteve të rrezikshme piroteknike. Të gjitha strukturat e policisë sidomos në disa qarqe ku përdoren edhe armët për të festuar, të jenë në gatishmëri.
Policia rrugore – Në 2019, përdorimi i masiv i teknologjisë për kontrollet rrugore të policisë. Gjobat do të dërgohen në rrugë postare. Punonjësit e policisë nuk duhet të hynë më në negociata me drejtuesit të automjeteve.
-Akademisë së Sigurisë dhe të Policisë së Shtetit në muajin janar do të bëjë shpalljen dhe konkurset përkatëse për shkollën e oficerit.
-Në janar do të ketë një program të rëndësishëm për trajtimin e familjeve të oficerëve të rene në krye të detyrës. Janë një numër i madh familjesh dhe fëmijësh. Një cikël takimesh me të gjitha familjet, për të identifikuar më qartë nevojat e tyre, për arsim, strehim, punësim për të gjitha familjet që iu detyrohemi shumë. Në janar do të kemi takimet, në shkurt do kemi programe për çdo familje. Numri i lartë i punonjësve të rënë në krye të detyrë.
-Trajtimi financiar i punonjësve të policisë së shtetit. Në vitin e ardhshëm në do të kemi komunikime të reja me ju për adresimin e problemeve ekonomike, rritja e pagave, orët shtesë, gradat e etj.
-Modernizimi i policisë së shtetit. Masat për këtë futja e teknologjisë masive për monitorimet, sensorët, dronet, që të plotësojmë mangësitë në burimet njerëzore.
Përgëzoj të gjithë policinë e shtetit që ka bërë në 2018 për luftën kundër korrupsionit, lendeve narkotike. Në 2019 policia do ta thellojë punën e saj, për të shënuar një tjetër kapitull suksesi. Ju uroj gëzuar vitin e ri, dhe suksese në punën tuaj të mëtejshme.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.