Nga 18 maji hapen bar-restorantet, muzetë, galeritë e arteve dhe lejohet sporti në ambiente të hapura

Ministrja e Shëndetësisë, Ogerta Manastirliu  në komunikimin që ka zhvilluar me qytetarët, ka shpejguar se plan i masave lehtësuese, për të bërë një hapje graduale do të vijojë deri në 1 qershor.

Në këtë mënyrë nëse treguesit deri në 18 maj do të jenë pozitivë, atëherë lehtësimet do të vazhdojnë.

“Do të fillojë zhvillimi i procesit mësimor dhe provimeve të maturës shtetërore sipas udhëzimeve dhe protokolleve të miratuara nga Ministria e  Shëndetësisë.

Po në këtë datë planifikojmë të hapen njësitë e shërbimit, bare dhe restorante vetëm në ambjentet e jashtme deri në orën 17:30.

Duke filluar nga data 18 Maj shtohen fluturimet e riatdhesimit, me detyrimin për vetekarantiim në banesë.

Prej dates 18 Maj planifikohet të hapen nën rregulla rigoroze, muzetë, galeritë e arteve dhe sitet arkeologjike sipas protokolleve dhe udhëzimeve të miratuara.

Nga data 18 Maj do të lejohen me protokolle dhe masa sigurie dhe stërvitjet individuale të sportistëve në ambjente të hapura.

Do të vijojnë të jenë të ndaluara aktivitetet kulturore dhe sportive në ambientet e hapura dhe të mbyllura.

Po kështu do të vijojë të mbetet në fuqi ndalimi i grumbullimeve me shumë se pesë personave në ambientet publike si dhe do të mbetet I mbyllur dhe transporti publik.” – shpjegoi Manastirliu lidhur me masat e reja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.