Nga 9 grupe mallrash që eksportojmë, vetëm 1 ka njohur rritje këtë vit!

Tregtia e Shqipërisë këtë vit ka njohur rënie të konsiderueshme për shkak të rregullave që u vendosën për parandalimin e përhapjes së pandemisë.  Megjithatë, nga 9 zërat e grupmallrave të eksporteve shqiptare, vetëm 1 zë ka njohur rritje.

Ndryshe nga sa ka ndodhur me tekstilet, mineralet apo materialet e ndërtimit e makineritë që kanë njohur rënie të fortë, grupmallrat ‘ushqim,pije e duhan’ kanë njohur rritje krahasuar me një vit më parë.

Referuar të dhënave të tregtisë së jashtme të publikuara nga INSTAT, rezulton se në gusht janë eksportuar 700 milionë lekë më shumë se në gushtin e vitit të kaluar.

Në rang 8 mujori, rezulton se Shqipëria ka rritur me 2 miliardë lekë nivelin e eksporteve krahasuar me një vit më parë.

Në janar-gusht 2019 Shqipëria eksportoi 22.7 miliardë lekë ushqime, pija e duhan.

Ndërsa në janar-gusht 2020, niveli i eksporteve u rrit në 24.6 miliardë lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.