Nga forcat speciale amerikane në doktor i Harvard më pas astronaut i NASA-s – Si 35 vjeçari ka ndryshuar karrierën e tij tre herë

Jonny Kim është 35 vjeç dhe do të jetë astronauti i parë koreano-amerikan i NASA-s që do të fillojë caktimet në Stacionin Ndërkombëtar Hapësinor në Hënë dhe ndoshta në Mars.

Kim ka ndryshuar tre herë profesionet e tij duke nisur si marins ushtarak. Në moshën 16 vjeçare ai mësoi në lidhje me Komandën e Luftës Speciale Detare të Shteteve të Bashkuara dhe gjeti rrugën e tij të karrierës.

“Hyrja në Marinë ishte vendimi më i mirë që kam marrë ndonjëherë në jetën time, sepse e transformoi plotësisht atë djalin e frikësuar, i cili nuk kishte ndonjë ëndërr në dikë që filloi të besonte në veten e tij,” tha ai.

Kim ka qenë pjesë e disa misioneve ushtarake në Lindjen e Mesme, përfshirë Ramadi dhe Sadr City Irak. Pasi pa që disa nga miqtë e tij humbën jetën në luftë Kim tha se ishte i prirur të ndiqte mjekësinë.

Pasi kthehet nga misioni ushtarak Kim nis Shkollën Mjekësore në Harvard ku u specializua në mjekësinë urgjente dhe u diplomua në vitin 2016. Duhej vetëm një moment që ai të ndryshonte trajektoren e tij në karrierë.

Kim u bë një mjek rezident në urgjencën e Partners Healthcare në Massachusetts General Hospital dhe Women Hospital në Brigham.

Por në qershor 2017 Kim zgjidhet për të qenë astronaut nga NASA për klasën e ardhshme nga e cila kishte 18.300 aplikime. Kim kaloi dy vjet në programin e stërvitjes së astronautëve ku më pas u diplomua.

Në procesin e stërvitjes rraskapitëse ai u trajnua në hapësirë, robotikë, Sistemet Ndërkombëtare Hapësinore, aftësi jetike T-38 dhe gjuhë Ruse.

Tani ai është duke pritur me padurim caktimin e tij të parë, me gjasë në Hënë, pastaj më gjerë. Një jetë plotë aventura për të i cili akoma nuk ka menduar për karrierën e tij të radhës. (Daily Mail)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.