Nga transparenca, tek plagjiatura dhe rishikimi i titujve akademikë – Ja si do të bëhet kontrolli i tyre

Në vijim të kërkesave të studentëve, kryeministri Edi Rama, ka bërë publike edhe vendimet për secilin prej tyre. Lidhur me kërkesën e dytë mbi transparencën në universitete, sipas Ramës është vendosur që të krijohet një portal për transparencën dhe ankesat.

“Ai do të jetë i aksesueshëm nga të gjithë dhe në të do të publikohen të dhëna të detajuara mbi buxhetin e arsimit të lartë. Të dhënat për buxhetin afatmesëm, shpenzimet për kërkimin shkencor , të jenë të gjitha të publikuara në portal, vendimet e bordit dhe senatit, instrumentet e shkëmbimit studentor, instrumentet e financimit për çdo universitet, marrëveshjet dy apo shumëpalëshe gjithashtu, rezultatet e kontrollit të titujve shkencorë të publikohen në portal. Kjo është një qasje shteruese për transparenca”, tha Rama.

Ndërkohë, në kuadër të kërkesës për plotësimin e strukturave të studentëve, Rama shtoi se është firmosur urdhri I kryeministrit për krijimin e një organizmi institucional që do të lehtësojë punën e arsimit të lartë. Ndërkohë sipas kryeministrit, do të ofrohet edhe asistencë ligjore në rastet e nevojshme.

Duke u ndalur tek kërkesa e 4 e studentëve lidhur me rishikimin e titujve akademikë dhe plagjiaturën, qeveria ka miratuar një vendim për kontrollin e plagjiaturës.

“U miratua VKM për kontrollin e plagjiaturës për dhe kaloi pr/ligji për kodin e sjelljes për kërkimin shkencor që adreson në mënyrë precize një problematikë komplekse ju jep mundësi të gjithëve të përfshihen ne konsultimet publike. Do të krijohet një arkiv dixhital i doktoraturave pranë MASR. Brenda 60 ditëve të depozitojnë kopje të njehsuar të origjinalit dhe kopje. Ministria të kryejë përmes RASH-it kontrollin për plagjiaturë përmes kontrollit automatik, ministria ia përcjell institucionit të arsimit të lartë, që iu takon këtyre të fundit të bëjnë rivlerësimin, pra procesi mekanik. Gjykimi akademik i takon universiteti. Brenda 90 ditë vë në dispozicion gjetjen për plagjiaturë. Kodi i sjelljes për kërkimin shkencor përmban parimet dhe normat themelore të sjelljes është konform kodit europian të sjelljes dhe kthyen në normë ligjore  dhe shërben si kornizë vetërregulluese.”

Ndërsa, lidhur me pikën e 5-të, bordin e administrimit është vendosur:

“Kemi vendosur që të miratojmë një VKM për përcaktimin e kritereve për përzgjedhjen e anëtarëve të bordit, faktikisht të gjithë anëtarët ekzistues të bordeve janë de fakto të shkarkuar de jure do të qëndrojnë në ato pozicion. Emërimet e reja do të bëhen me një proces të hapur në sytë e publikut. Një prej anëtarëve përfaqësues të qeverisë do të vijë si propozim nga studentët, figura publike të fushës, ekspertë, jo më pak se 3 kandidatura, një prej tyre qeveria do ta çojë në bord si mishërim i bashkëpunimit me studentët. Senatet janë të lira që të propozojnë në vendet e lira të propozojnë student. Nëse kjo vendoset në statutin e universit. Afati i realizimit prill maj-2013.”

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.