Ngadalësohet punësimi në SHBA. Pritet rënie e aktivitetit në fundvit, nevojitet paketa e stimujve në Kongres
Punësimi në sektorin privat në SHBA u rrit më pak se ç’pritej në Nëntor, prej rritjes së rasteve të reja me koronavirus dhe kufizimeve të bizneseve, duke sinjalizuar një ngadalësim të ekonomisë në fund të vitit. Ngadalësimi tek punësimi në privat vendos presion tek Kongresi që të bjerë dakord mbi një paketë të stimujve për të ndihmuar ekonominë nga recesioni më i keq që prej Depresionit të madh. Një grup i politkanëve propozuan këtë Javë një paketë të ndihmave emergjencë prej 908 miliardë dollarë. Lideri i shumicës në senat, Mitch Mçonell tha se aid he republikanët po vlerësojnë mundësitë e stimujve që mendojnë se presidenti Donald Trump do të nënshkruajë.
Presidenti i zgjedhur, Joe Biden, do të trashëgojë një treg të rënduar të punës dhe krizë të shëndetit publik, kur tëbetohet më 20 Janar. Punësimi në privat u rrit me 307,000 në Nëntor, pas një rritjeje me 404,000 muajin e kaluar. Ngadalësimi i punësimit u shfaq tek të gjithë industritë. Sektorët e mikpritjes dhe turizmit, më të goditurat nga pandemia, shtuan 95,000 vende pune. Bizneset e vogla me 1-19 punëtorë, shtuan 60,000, duke kontribuar me rritjen më të madhe tek sektori i mikpritjes. Punësimi në ndërtim u rrit me 22,000 dhe manifaktura ka puënsuar 8,000. Rritje të punësimit ka pasur në aktivitetet financiare, shërbimet profesionale, edukim dhe shëndetësi. Industria e informacionit nuk ka shtuar vende pune. Shtetet e Bashkuara janë goditur gna një valë e re e infeksioneve me Covid-19, me 4.2 milionë raste të reja dhe mbi 35,000 vdekje në Nëntor.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.