“Ngrin” ritmi i eksporteve me Turqinë! Në 2018, rritja vetëm me 21 milionë lekë!
Eksporti i mallrave nga Shqipëria në Turqi nuk ka njohur ndryshime gjatë vitit 2018, duke qendruar thuajse në të njëjtin nivel me vitin 2017. Nëse analizojmë ritmin e rritjes së eksporteve nga viti në vit, Turqia renditet në listën e vendeve me të cilat Shqipëria ka njohur rritjen më të vogël të eksporteve.
Referuar të dhënave të Tregtisë së Jashtme të publikuara nga INSTAT, gjatë vitit 2018 Shqipëria eksportoi në Turqi 2 miliardë e 153 milionë lekë duke njohur një rritje vetëm me 21 milionë lekë në krahasim me vitin 2017. Ndryshe ka ndodhur me importet ku rezulton se rritja vjetore është me 3.4 miliardë lekë më shumë se në vitin 2017.
Gjatë vitit 2017 importet nga Turqia ishin 50 miliardë e 780 milion lekë ndërsa në vitin 2018 ato u rritën në 54 miliardë e 190 milionë lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.