Nis fushata “Krijo oksigjenin tënd” – Klosi në Fier: Ndalojmë erozionin dhe krijojmë brezin e gjelbër
Ministria e Turizmit dhe Mjedisit ka nisur fushatën “Krijo oksigjenin tënd” në qarkun e Fierit . Ministri, Blendi Klosi ju bashkua aksionit vullnetar të nisur nga të rinjtë e zonës, për mbjelljen e 1 mijë fidanëve në grykëderdhjen e Lumit Seman e cila e çon në 8 mijë numrin e pemëve të mbjella vetëm në këtë zonë, si një masë kundër përmbytjeve, erozionit, insekteve me ndikim edhe në përmirësimin e peizazhit.
“Krijo oksigjenin tënd” secili nga banorët e kësaj zone të mbjellë 5 pemët e tij, të cilat do të ndihmojnë në ekonominë rajonale, do të ndihmojnë në mbrojtjen nga erozioni, do të ndihmojnë në mbjelljen e pemëve dekorative në këtë qytet dhe po ashtu në mbjelljen e një numri të konsiderueshëm pemësh në të gjithë qarkun e Fierit” – ka thënë ministri.
Fushata e mbjelljeve të Ministrisë së Turizmit dhe Mjedisit “Krijo Oksigjenin tënd” në vitin e dytë të Operacionit Clean&Green 2020, do të përqendrohet tek impakti mjedisor. Në këtë të fundit, përfshihen edhe mbjelljet e pemëve pranë shtretërve të lumenjve, si masë kundër përmbytjeve.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.