Nis rikonstruksioni i rrugës Kuqan-Thanë-Aksi shërben si “urë lidhëse” në Elbasan! FSHZH jep detajet e projektit  

Fondi Shqiptar i Zhvillimit njofton për projektin e rikonstruksionit të rrugës Kuqan – Thanë.

Kjo rrugë do të jetë një “urë lidhëse” ndërmjet fshatrave Kuqan-Bujqës-Jagodinë-Murriqan-Thanë dhe shtrihet në pjesën juglindore të qytetit të Elbasanit, duke përfshirë Njësitë Administrative Shirgjan dhe Gjergjan.

“Projekti i ri parashikon përmirësimin e treguesve të rrugës, duke e zgjeruar dhe vënë të gjitha nënshtresat sëbashku me shtresat asfaltike. Aktualisht po punohet gërmim dheu për zgjerim, gërmim kanali dhe trupi i rrugës.

Gjithashtu po kryhet betonim mur betoni mbajtës, si dhe ndërtim vepra arti.  Ndërhyrja parashikon një gjatësi investimi prej 7.2 km, rrugë me dy korsi te asfaltuara dhe dy bankina me çakëll.

Ndërtimin e tombinove, zgjerim urash, si dhe punime ndriçimi dhe gjelbërimi.

Me një impakt të pritshëm në lëvizjen e banorëve dhe produkteve drejt tregut të Elbasanit.

Për faktin se shtrihet në një zonë të mirëfilltë bujqësore, do të ndikojë në zhvillimin e saj dhe të blegtorisë. Duke rritur kështu cilësinë e jetës së banorëve të zonës, përmes rritjes së ekonomisë familjare dhe lokale dhe nxitjen e investimeve të reja” njofton FSHZH.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.