Nis shpërndarja e granteve për banesat e dëmtuara nga tërmeti në Shijak, Ahmetaj: “Fillojnë edhe ndërtimet e 500 banesave në Laç”
Ministri i Rindërtimit, Arben Ahmetaj ka njoftuar në ditën e sotme se në Bashkinë Shijak ka filluar shpërndarje granteve për banesat që kanë nevojë për rikonstruksion nga dëmet e shkaktuara nga tërmeti.
“Janë 1174 familje në banesa individuale dhe 27 banesa kolektive që do ta përfitojnë” – u shpreh ministri, ndërkohë që procesi për bashkitë e tjera do të vazhdojë në ditët në vijim, ku do të përfshihen edhe përfitues të rinj.
Më tej ministri ka njoftuar edhe se është miratuar edhe vendimi për shpalljen si zonë për rikualifikim dhe Rindërtim, të Parkut Arkeologjik të Durrësit.
Gjithashtu është finalizuar edhe marrëveshja e bashkëpunimit me qeverinë turke, që do ti hapë rrugë ndërtimeve të 500 banesave në Laç, u shpreh në njoftimin e tij z.Ahmetaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.