Nis shpronësimi i pronave të prekura te rrethrotullimi Shqiponja – 26.7 milion lekë për përfituesit

Nëpërmjet një njoftimi të publikuar në Fletoren Zyrtare, Agjencia Shtetërore për Shpronësimet ka bërë me dije se ka shpallur kërkesën për shpronësim, për interes publik, të pronarëve të pasurive të paluajtshme, pronë private, që preken nga realizimi i projektit ‘Rehabilitimi i segmentit rrugor, pallati me shigjeta –Rreth rrotullimi Shqiponja’”, i ndryshuar.

Subjekti kërkues i këtij projekti është Autoriteti Rrugor Shqiptar. Personat që preken nga ky projekt të cilët kanë emrin në tabelën e publikuar dhe personat të cilët preken, por nuk figurojnë në këto lista, jo më vonë se 15 (pesëmbëdhjetë) ditë nga publikimi në Fletoren Zyrtare, kanë të drejtë të paraqesin pretendimet e tyre, të shoqëruara me dokumentacionin përkatës, si edhe të shprehen nëse janë dakord me të dhënat e publikuara për përfundimin e procedurave të shpronësimit, në ARRSH, si dhe në Agjencinë Shtetërore për Shpronësimet.

Vlera totale paraprake e shpronësimit është 26,710,976 (njëzet e gjashtë milionë e shtatëqind e dhjetë mijë e nëntëqind e shtatëdhjetë e gjashtë) lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.