Nis Vettingu në Polici dhe Gardë. Përzgjidhen 45 emrat e parë që do t’i nënshtrohen procesit

Komisioni i Vettingut në Polici, SHÇBA dhe Gardë ka nisur punën me 45 dosjet e para, duke përzgjedhur kështu grupin e parë të emrave që do t’i nënshtrohen procesit.

Subjektet e vlerësimit janë në detyrat më të larta drejtuese prej tyre 31 punonjës janë nga Policia e Shtetit, 12 punonjës janë në Shërbimin për Çështjet e Brendshme dhe Ankesat (SHÇBA) dhe 2 punonjës janë pjesë e Gardës së Republikës.

Dosjet e vetë-deklarimit janë tërhequr nga Komisioni i Jashtëm i Vlerësimit dhe ka nisur puna në fazën e parë, ajo e shqyrtimit të deklaratave, kërkimit të informacioneve dhe verifikimeve përkatëse.

Sipas parashikimeve ligjore, pas procesit të hetimit administrativ, do të mbahet një seancë e hapur dëgjimore për çdo subjekt.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.