Nis vlerësimi i dëmeve të tërmetit- Balluku: ”Skanim në 5 qytete, do të nxirret buxheti total për rekuperimin e godinave”
Pas tërmetit të fuqishëm të 26 nëntorit ka nisur skanimi i ndërtesave për dëmet e shkaktuara nga lëkundjet.40 inxhinierë dhe arkitektë nga Kosova i janë bashkuar ekipeve të Institutit të Ndërtimit, ndërkohë që procesi do të përfshijë vlerësimin e dëmeve jo vetëm në Durrës, Thumanë e Laç, që janë zonat më të prekura, por edhe në Tiranë e Kavajë.
Sipas ministres së Infrastrukturës dhe Energjisë, Belinda Balluku përmes këtij procesi do të bëhet kategorizimi i ndërtesave nëse ato do të duhet të shemben apo nëse ka nevojë vetëm për ndërhyrje të pjesshme.
Procesi i skanimit do të finalizohet edhe me nxjerrjen e buxhetit total që do të nevojitet për rekuperimin e dëmeve.
Balluku ka kërkuar nga inxhinierët dhe arkitektët që të shprehin vendosmëri dhe të mos lejojnë hyrjen e banorëve në rastet kur banesat e tyre rrezikojnë të shemben, si dhe kërkojnë rikthimin e tyre në rast se ndërtesat nuk paraqesin rrezikshmëri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.