Nis zbatimi i reformës së ujit – Shkrihen 46 ujësjellës, në total vetëm 15 drejtori qendrore

Krijohet Ujësjellësi i Ri i Durrësit që përfshin Shijakun, Krujën, Kavajën dhe Rrogozhinën. Ujësjellësi i Korçës që përfshinë edhe Devollin, Ersekën, Maliqin dhe Pustecin. Dhe ujësjellësi tjetër është i Pogradecit që përfshin edhe Përrenjasin. Bashkimet e ujësjellësve janë bërë mbi një analizë që ka më shumë se 1 vit që po punohet.

“Kemi bërë një analizë mbi kritere të cilat janë tre kryesoret dhe ka të bëj me afërsinë e territoreve të shoqërive që mbulojnë shërbimin. Burimet ujore ku janë dhe si shpërndahen dhe kemi vënë një kriter që ka të bëjë me numrin e abonentëve. Jo më pak se 25 mijë abonentë për një shoqëri të bashkuar.”

Në total do të jenë vetëm 15 drejtori qendrore teksa 46 ujësjellës të vendit do të shkrihen.

“Agregimi i ujësjellësve është e vetmja mundësi për shmangien e problemeve të shfaqura deri më sot. Investimet nuk kanë munguar nga ujësjellësit por kanë qenë të fragmentuara, por tashmë do të jenë të plota që nga depot, sistemi shpërndarjes dhe vendosja e matësve. Synohet gjithashtu një transformim i sektorit të ujit. Qëllimi kryesor është përmirësimi i shërbimit, duke ofruar uji 24 orë si dhe shëndoshja financiare e të gjitha kompanive që do të krijohen.”

Ministria e Infrastrukturës zotëron jo më pak se 51% të aksioneve me të drejta vote. Riorganizimi i shoqërive të ujësjellës-kanalizimeve, vjen pas detyrimeve financiare të prapambetura që ato krijuan ndër vite.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.