Nisin punimet për aeroportin e Kukësit – Rama: Përfundon vitin e ardhshëm, do gjenerojë 12 mijë vende pune
Nisin punimet për aeroportin e dytë ndërkombëtar në vend, atë të Kukësit.
Gjatë takimit të zhvilluar në kuadër të turit ‘Bashkia që duam” kryeministri Edi Rama foli për një ndryshim të Kukësit në saj të këtij projekti i cili pritet të gjeneroj deri në 12 mijë vende pune, përgjatë viteve si dhe të ndikoj në zhvillimin ekonomik. Rama u shpreh se ky projekt do të pasohet edhe nga ndërtimi i stadiumit ndërsa lajmëroi se së shpejti do të nisin dhe punimet për aeroportin e Vlorës.
Përfundimi i këtij projekti në vitin e ardhshëm, ishte një tjetër zotim i kryeministrit, sipas të cilit do të pres një fluks pasagjerësh deri në 300 mijë në vitin e parë dhe më pas deri në 1 milion pasagjer çdo vit.
Ndërkohë që kryeministri mbante fjalën, qytetarë dhe përfaqësues të PD marshuan drejtë aeroportit duke protestuar me parullat “Aeroporti është dhuratë për Kukësin dhe jo për koncesionarin”.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.