Nisin punimet te “Shqiponja” – Unaza e Madhe / Verdho: Gati leja e ndërtimit. Shkreli: Punimet, 24 orë
Kreu i Autoritetit Rrugor Shqiptar Ergys Verdho ka njoftuar se leja e ndërtimit për lotin i të Unazës së Madhe është gati, duke i hapur rrugën edhe nisjes së punimeve pranë sheshit Shqiponja.
Nisja e punimeve do të shoqërohet edhe me një plan masash për menaxhimin e trafikut në këtë zonë.
Ndërkaq, zv. ministri i Infrastrukturës dhe Energjisë, Artan Shkreli tha se punimet për këtë vepër infrastrukturore do të kryhen përgjatë 24 orëve.
Nisja e punimeve në këtë segment vjen pas një kalvari të gjatë zvarritjesh, si pasojë e protestave të banorëve që preken nga projekti, por edhe përfshirjes së tij në skandalin e falsifikimit të dokumenteve nga kompania DH Albania.
Pas kryerjes së procedurave të reja tenderuese, punimet në lotin i do të kryhen nga bashkimi i operatorëve “Salillari” dhe Bajrami N”, që u shpall fitues pas një ankese të depozituar pranë Komisionit të Prokurimit Publik. Referuar ofertës së konsorciumit, vlera e punimeve arrin në 1.776 milion lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.