Nisin reshjet e dëborës në Kukës – Kompanitë e mirëmbajtjes së rrugëve në gatishmëri
Pjesa veriore e Shqipërisë është përfshirë sot nga reshjet intensive të dëborës. Shtabi i Emergjencave bën me dije se reshjet e dëborës kanë nisur rreth orës 3 të mëngjesit të sotëm, ku në qytetin e Kukësit ka arritur 4 cm ndërsa në rajonin e Valbonës dhe Qaf Shllaku rreth 30 cm.
Ministri Infrastrukturës dhe Energjisë Damian Gjiknuri u bën thirrje drejtuesve të mjeteve të tregojnë kujdes.
“Kompanitë kontraktore të mirëmbajtjes së rrugëve nën monitorimin e Autoritetit Rrugor Shqiptar janë në gjendje gatishmërie duke hedhur kripë në ato akse rrugore ku kanë nisur reshjet e dëborës. Shumë e rëndësishme që drejtuesit e mjeteve të tregojnë kujdes maksimal”.
Në Rrugën e Kombit, lartësia e dëborës është 10 cm në zonën e Tunel-Kalimash, ndërsa atje kanë punuar 9 borë pastruese për të mbajtur aksin nacional të hapur, raporton Ora news.
Gjendja e akseve të tjera në këtë qark:
Kolsh-Q.Shllak lartësia e borës 30 cm në Q.Shllak. Kanë punuar 4 borëpastruese.
Kukës-Bushtricë lartësia e borës 15 cm. Kanë punuar 4 borëpastruese.
Kukës-Krumë-Q.Prushi-Kam lartësia e borës 15 cm në Q.Tobli. Kanë punuar 3 borëpastruese.
B.Curri-Kam lartësia e borës 20 cm në Q.Luzhë. Kanë punuar 2 borëpastruese.
B.Curri-Valbonë lartësia e borës 30 cm. Kanë punuar 2 borëpastruese.
Q.Morinë-B.Curri-Fierzë-Lekbibaj lartësia e borës 10 cm. Ka punuar 2 borëpastruese.
Janë vënë në punë 26 borëpastruese për mbajtjen në gatishmëri të akseve rrugore.
Energjia elektrike:
Pa energji elektrike Bashkia Kukës: Nj.A: Malzi, Shishtavec, Bushtricë, Ujmisht, Grykë-Çaj.
Bashkia Tropojë: Nj.A: Margegaj, Tropojë e Vjetër, Llugaj, Lekbibaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.