Nisma për amnistinë fiskale, Rama: Emigrantët mund të deklarojnë paranë e vënë nga puna në të zezë

Kryeministri Edi Rama i është kthyer sërish bashkëbisedimeve me ndjekësit në ‘Facebook’, duke iu përgjigjur pyetjeve nga shumë fusha. Kreu i qeverisë u ndal tek nisma për amnistinë fiskale të cilën e quajti një mundësi të mirë edhe për emigrantët që kanë punuar në të zezë.

Emigrantët mund të deklarojnë paranë e vënë nga puna në të zezë, kështu  ka deklaruar kryeministri Edi Rama  gjatë përgjigjeve të dhëna për ndjekësit në rrjetet sociale. Rama u ndal tek  nisma për amnistinë të cilën e vlerësoj si një mundësi të mirë  jo vetëm për biznesin por edhe për ata të cilët kanë punuar jashtë kufirit duke u shprehur se kjo do të bëhet shumë shpejt realitet

“Jam i vetëdijshëm që lehtësimi i bërë për bizneset është i madh. Po punojmë me ekspertizë ndërkombëtare, pasi jam i bindur pasi njerëzve si ti, që janë dhjetëra mijëra së kanë kursyer në emigracion dhe për më tepër ata që kthehen në Shqipëri, duhet t’u japim mundësinë për amnistinë fiskale. Durim, pasi punët e mira duan mundin. Ki besim se më shpejt se vonë edhe këtë instrument do ta kesh gati”, tha Rama.

Ndërkohë kryeministri beri thirrje per zbatimin e vendimit  për vendosjen e maskave me detyrim  edhe ne ambientet e hapura, duke filluar nga data 15  tetor.

Ndër të tjera kryeministri u pyet dhe për specializimet e dyta për mjekët. Ai shtoi se ky është një vendim që e merr Senati dhe i takon atij që të rishikojë vendimin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.