Nivelet alarmante të ndotjes akustike – Qytetarët e Tiranës, peticion për zgjidhjen e problemit

Nivelet e ndotjes akustike janë  bërë  shqetësuese  për shëndetin fizik dhe psikologjik të qytetarëve , kryesisht në kryeqytet,  ku prej vitesh rezulton që kjo ndotje të jetë rreth 70 decibel ose  20 decibel mbi  normat e lejuara me ligj. Lidhur me këtë shqetësim një grup qytetarësh i janë drejtuar këshillit bashkiak  të Tiranës me një peticion me mbi 300 firma, plan për zgjidhjen e këtij problemi duke ofruar dhe një plan masash

Qytetarët rendisin një sërë masash që duhet të merren për eliminimin e zhurmave  pa kriter të cilat vijnë kryesisht nga trafiku dhe bizneset.

Sipas  të dhënave të Institutit të Shëndetit Publik,  rreth 200 raste të reja në vit rezultojnë me probleme me dëgjimin, kryesisht fëmijë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.