Një dozë e Pfizer apo Moderna, 80% efektive / CDC studion punonjësit e shëndetësisë në Shtetet e Bashkuara
Një dozë e vetme e vaksinës së Pfizer apo Moderna, është 80% efektive në parandalimin e koronavirusit, sipas një studimi të ri të Qendrës së Kontrollit dhe Parandalimit të Sëmundjeve në SHBA, ndaj punonjësve të shëndetësisë të vaksinuar. Sipas agjencisë, efektshmëria e një doze është bërë e dukshme 2 javë pas injeksionit. Në Studim janë analizuar 4,000 staf i kujdesit shëndetësor dhe punëtor të rreshtit të parë të betejës me virusin, nga 14 Dhjetori më 13 Mars. Megjithatë, zyrtarët federalë bënë të ditur se 2 doza janë më mirë se 1, duke shtuar se efektshmëria ngjitet sipër 90% në dy javë pas dozë së dytë.
“Këto zbulime tregojnë se vaksinat e Covid-19 me teknologjinë e mRNA, janë efektive në parandalimin e sëmundjes, pavarësisht statusit të simptomave, tek të rriturit në moshë pune, jashtë laboratorëve”- deklaroi Agjencia. Zbulimet e reja pritet të nxisin argumentet e disa ekspertëve që thonë se SHBA duhet t’i japin prioritet dhënies së 1 doze, për të përshpejtuar procesin. Ndryshe nga vaksina e Johnson & Johnson, që kërkon vetëm 1 dozë, vaksinat e Pfizer dhe Moderna kërkojnë 2 doza, të dhëna në një diferencë kohore prej 3-4 javësh.
Këshillesi i Shtëpisë së Bardhë, Anthony Fauci, ka thënë vazhdimisht se vendi duhet të respektojë regjimin me 2 doza. Ekspertët kanë thënë se pavarësisht efektshmërisë së 1 doze, njerëzit duhet të rikthehen për të dytën, pasi ajo ofron antitrupa neutralizues specifik ndaj virusit, që janë 10 herë më të mëdha se në dozën e parë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.