Një ilaç i Covid që ul vdekjet në spital / Trajtimi me antitrupa i Regeneron ndihmon pacientët pa reagim imunitar
Ilaçi me një miks të antitrupave i Regeneron redukton vdekjet në spital të pacientëve që nuk kanë krijuar një përgjigje imunitare ndaj koronavirusit, sipas një studimi britanik të publikuar këtë javë. Terapia, që njihet si REGEN-COV, ka marrë miratim për përdorim emergjent në SHBA, por rezultatet e fundit ofrojnë provat më të qarta mbi efektshmërinë tek pacientët në spital. Studimi zbuloi se terapia me antitrupa ka reduktuar me 20% vdekshmërinë 28-ditore të njerëzve të shtruar në spital me Covid, që nuk kanë krijuar reagim imunitar, të njohur si seronegativ. Sipas hulumtuesve, nuk ka pasur ndonjë efekt të dallueshëm nga trajtimi tek ato që kanë pasur reagim natyror me antitrupa dhe ishin zero pozitiv. “Njerëzit kanë qenë shumë skeptik se një trajtim kundër këtij virusi mund të funksionojë kur njerëzit shtrohen në spital”- tha Martin Landray, shefi i hetimit të provës. Trajtimi shkurtoi gjithashtu qëndrimin në spital të atyre që ishin serongartiv dhe ulu shanset e nevojës së një ventilatori. Regeneron kishte theksuar më parë se trajtimi ka qenë mjaftueshëm premtues tek pacientët në spital, për të garantuar vazhdimin e provave. Të dhënat e fundit ofrojnë kofnirmim në masë të atij vlerësimi. Kishte 9,785 pacientë të shtruar në spital me Covid-19, që u zgjodhën sipas rastit për të marrë trajtimin me antitrupa ose trajtim të zakonshëm, ku prej tyre 30% ishin seronegativë.
Prova tregoi gjithashtu se anti-inflamatori deksametazon dhe ilaçi kundër artritit i Roche, Actemra, shkurtojnë vdekjet tek pacientët në spital. Ndërsa ilaçet e fundit përqendrohen tek inflamacioni i shkaktuar nga reagimi kundër koronavirusit, terapia e Regeneron, që i përket një klase të barnave të quajtur antitrupa monoklonal, imitojnë antitrupat natyror që prodhon trupi për të luftuar një infeksion.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.