Një ndërtesë e papërfunduar është cilësuar si atraksioni kryesor i vitit 2022!

Solstici veror është pothuajse këtu, dita më e gjatë e vitit në hemisferën veriore. Një nga idetë se si t’i kalosh më mirë ato orë të ditës, është një pikë referimi spanjolle e cila është shpallur më e mira në botë por ende e pa përfunduar në ndërtimin e saj.

Një katedrale ëndërrimtare, e projektuar në mënyrë unike në Barcelonë, e cila është në ndërtim e sipër që nga viti 1882, është atraksioni kryesor në botë për vitin 2022, sipas recensuesve të Tripadvisor.

Bazilika ishte vizioni i arkitektit novator Antoni Gaudí, i cili u bë një figurë udhëheqëse në arkitekturën moderne. Ajo u vandalizua gjatë Luftës Civile Spanjolle gjatë viteve 1930, dhe fasada e saj origjinale dhe jo vetëm morën statusin e Trashëgimisë Botërore të UNESCO-s në 2005.

Stili i tij i pazakontë arkitekturor konsiderohet si një përzierje e modernizmit katalan, gotik spanjoll të vonë, katalan Noucentisme dhe Art Nouveau. Bazilika është një magnet turistik në Barcelonë, një qytet i gjallë dhe kozmopolit i njohur për artin, kulturën dhe ushqimin e tij.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.