Një nga vendet më të njohura në botë po rihap dyert këtë muaj!
Australia do të hapë kufijtë e saj për udhëtarët ndërkombëtarë të vaksinuar plotësisht nga fundi i shkurtit, njoftoi kryeministri australian Scott Morrison të hënën, më 7 shkurt, pas një takimi të komitetit të sigurisë kombëtare të qeverisë.
Australia, e cila ka qenë e mbyllur për shumicën e udhëtarëve që nga fillimi i vitit 2020, ka lehtësuar ngadalë kufizimet e saj që nga nëntori përmes programeve të udhëtimit me Zelandën e Re, Singaporin, Korenë e Jugut dhe Japoninë.
Aktualisht, shtetasve, banorëve të përhershëm dhe familjeve të tyre, së bashku me studentë ndërkombëtarë dhe punëtorë emigrantë u lejohet të hyjnë në vend edhe pse ata duhet të tregojnë prova se kanë dy doza të një vaksine të miratuar.
I njëjti rregull do të zbatohet për turistët, përveç nëse kualifikohen për një përjashtim mjekësor.
Në janar, numri 1 i tenisit botëror Novak Gjokoviç iu anulua viza mes një debati mbi statusin e tij të përjashtimit nga vaksinimi. Ai përfundimisht u deportua dhe nuk mundi të konkurronte në Australian Open.
Kryeministri shtoi se rihapja e mëtejshme e kufirit do të sillte një nxitje të nevojshme në industrinë e udhëtimit në vend. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.