Një paketë shpëtimi për Air-France. Holanda, në dakordësi me Francën për të ofruar 3.4 mld euro
Qeveria holandeze ka arritur një marrëveshje me Francën për të kontribuar 3.4 miliardë euro tek marrëveshja e shpëtimit e Air France-KLM, që ka sfiduar marrëdhëniet mes aksionerëve shtetërorë të kompanisë ajrore. Sipas marrëveshjes, Holanda do të emetojë kredi direkte dhe garanci ndaj Air France dhe do të caktojë një person të besuar tek bordi i kompanisë. Air France dhe ministria franceze e Financave refuzuan të komentojnë, por ministria holandeze e Financave lajmëroi më vonë një konferencë ku do të detajonte paketën financiare dhe një deklaratë u shfaq përkohësisht në faqen e kompanisë, ku theksonte vlerën prej 3.4 miliardë euro.
Të dy qeveritë, që zotërojnë secila 14% të Air France, ofruan 7 miliardë euro në ndihma franceze në muajin Prill dhe 2-4 miliardë euro nga Holanda, ndërkohë që kriza e koronavirusit tronditi industrinë. Fondet holandeze u penguan nga parlamenti dhe negociatat e vështira, nën të cilat Franca kundërshtoi kërkesën për një vend votues tek bordi i Air France. Marrëveshja do të përfshijë tashmë një mbikëqyrës pa të drejtë votimi të qeverisë holandeze, që do të sigurojë se paratë e taksapaguesve do të përdoren direkt tek operacionet e Air France. Të dy qeveritë janë përplasur për menaxhimin dhe strategjinë e Air France-KLM, që u krijua nga bashkimi i 2 linjave ajrore kombëtare në vitin 2004. Paketa financiare holandeze pritet të kërkojë kushte mjedisore dhe kufizime të pagave të ekzekutivëve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.