Një studim i ri zbulon se 80% e njerëzve nuk mund të flenë kur largohen nga shtëpia!

Një studim i ri botëror i realizuar nga IHG Hotels & Resorts zbulon se katër nga pesë udhëtarë kanë vështirësi të flenë kur largohen nga shtëpia. Ky studim i bërë posaçërisht për ‘Ditën Botërore të Gjumit’, zbuloi se njerëzit që udhëtonin për biznes, në veçanti humbin rreth 58 minuta gjumë çdo natë, kur largohen nga shtëpia.

Ndër shkaqet e përmendura për gjumin e parehatshëm, jane :  (44 përqind) ndërrimi i vendit, pra kur largohemi nga një mjedis në një tjetër ; (35 përqind) zhurmat rastësore; dhe (35 përqind) dëshira për të punuar vonë.

Më shumë se dy të tretat (67 përqind) e të anketuarve deklaruan se ndjehen më të lodhur kur janë larg shtëpisë. Për të pasur një gjumë sa më të qetë, gati gjysma e tyre, ose provojnë të dëgjojnë muzikë (47 përqind) ose të shikojnë televizor (45 përqind).

“Nuk është sekret që udhëtimi mund të jetë sfidues për shëndetin tonë, veçanërisht kur bëhet fjalë për procesin e gjumit”, tha Dr Steven Lockley, një profesor i asociuar i mjekësisë në Harvard Medical School.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.