Një vend ballkanik mund të futet në Eurozonë dhe të adoptojë euron si monedhë zyrtare në 2023!” Deklarata e drejtueses së FMN

Bullgaria planifikon të futet në dhomën e “pritjes” së zonës euro këtë verë dhe mund të zyrtarizojë euron si monedhën e saj në vitin 2023. Të paktën këto janë pritshmëritë e kreut të Fondit Monetar Ndërkombëtar, raporton SCAN.

Vendi ballkanik është anëtar i Bashkimit Europian që prej vitit 2007 dhe shpreson se do të arrijë të plotësojë standartet për anëtarësim në eurozonë.

Drejtuesja e FMN-së, Kristalina Georgieva që është me origjinë nga Bullgaria, është shprehur se futja e vendit në eurozonë do të sjellë më shumë përfitime ekonomike dhe stabilitet monetar për vendin.

Bullgaria konsiderohet si një nga vendet më të varfëra të Bashkimit Europian dhe përballet me problematikën e korrupsionit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.