Një vit i vështirë për Draghin – Votimet për president lënë pasoja tek koalicioni në Itali
Kryeministri italian, Mario Draghi, pritet ta ketë të vështirë për të kontrolluar koalicionin e tij, sipas analistëve, pasi marrëdhëniet tek partitë qeverisëse janë përkeqësuar pas zgjedhjeve të javës që kaloi, për një lider të shtetit. Presidenti 80-vjeçar Sergio Mattarella u rizgjodh për një mandat të dytë në fundjavë, me kryetarët e partive që i kërkuan të vazhdojnë, pas 7 raundeve të votimeve pa rezultat në parlament. Ndërkohë që zgjedhjet në ekonominë e tretë më të madhe të Eurozonës janë një vit larg, Draghit i duhet tashmë të drejtojë qeverinë qeverinë e fragmentizuar përmes një serë sfidash.
Ai ndodhet në presion nga partitë në koalicionin e tij të gjerë që të rrisë huamarrjen dhe të limitojë ndikimin e kostove të larta të energjisë tek firmat dhe familjet. Italia i ka premtuar Brukselit se do të aplikojë deri në fund të vitit rreth 100 masa, në këmbim të mbi 200 miliardë euro fonde nga rimëkëmbja e pandemisë. Suksesi i planit të rimëkëmbjes së Italsië është parë si i rëndësishëm në këndvështrimin e huamarrjes së përbashkët europiane në të ardhmen. Nga ana tjetër, kriza e koronavirusit ka treguar pak shenja të zgutjes, me Italinë që regjistruar qindra vdekje çdo ditë. Draghi e donte rolin e presidentit për vetën, por përpjekja e tij u kundërshtua nga 2 parti të mëdha në koalicion.
Tregjet financiare ka gjasa të mirëpresin vazhdimësinë e presidentit Mattarela si një shenjë e stabilitetit, por java e trazuar e votimeve ka lënë pasoja. Analistët thonë se duhet parë nëse koalicioni qeveritar i draghit do të jetë efektiv edhe pas disa javësh, pasi nëse nuk ndodh, situata do bëhet shumë shpejt e papërmbajtur. Koalicioni i Draghit përfshin partitë e qendrës së majtë dhe qendrës së djathtë, partinë e djathtë Liga, lëvizjen 5-yjet dhe parti të tjera të vogla. Zgjedhjet presidenciale bënë që këto gurpe të ndahen në mënyrë të hidhur, me qendrën partinë Demokrate të qendrës së majtë që mbështeste kryesisht kandidaturën e Draghit, ndërsa Liga dhe 5 –yjet ishin kundër.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.