Njerëzit egoist fitojnë më pak para se njerëzit bujarë

Dituria konvencionale thotë se për ta arritur në majë, ju duhet të jeni pak të pangopur, edhe nëse ju duhet të takoheni me njerëz të tjerë i vetmi kompromis që mund të bëni është ai që ndihmon në avancimin tuaj.

Por a është vërtet egoizmi çelësi i të ardhurave të larta?

Studiuesit e Universitetit të Stokholmit, Institutit për Studime të Ardhme dhe Universiteti i Karolinës së Jugut ekzaminuan të dhëna mbi më shumë se 60,000 njerëz në SHBA dhe Europë për të kuptuar nëse “prosocialiteti” i dikujt, apo interesi dhe angazhimi në mirëqenien e të tjerëve, është tregues i mënyrës se sa para bën një person edhe nëse ka familje dhe fëmijë.

Në të pesë studimet që ata analizuan si pjesë e hulumtimit të tyre, njerëzit egoistë nuk ishin fituesit më të lartë. Por në katër nga pesë studimet, ata që fitonin paga më të larta nuk ishin as njerëz altruistë. Përkundrazi, ata ishin “mesatarisht prosocialë”, që do të thotë se ata ishin kryesisht egoist, por jo plotësisht.

Gjetjet e përgjithshme janë në kundërshtim me pritjet e shumicës së njerëzve pasi në studim pritej që njerëzit egoistë të fitonin më shumë para sesa njerëzit prosocial.

Nëpërmjet analizës së të dhënave dhe intervistave me njerëz shumë të suksesshëm në industri, njerëzit më të suksesshëm, siç përcaktohet nga pasuria, lumturia dhe ndikimi i tyre profesional, janë “dhënës jo-egoistë” pra janë njerëz të gatshëm të ndihmojnë të tjerët, pa pritur favore në kthim. Celësi i suksesit të dhënësve jo-egoist nuk është altruizmi, shprehen studiuesit por është bujaria pa sakrifikuar veten.

Dhënësit e pastër janë të rrallë, thotë studimi. Shumica prej nesh qëndrojnë diku midis dhënësit dhe marrësit. Për shembull, është e mundur të jesh disi egoist në ambiente profesionale me stres të lartë, ndërsa të jesh jashtëzakonisht bujar me fëmijët e tu në shtëpi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.