Njeriu që shkaktoi konflikte me Evropën. Duda rizgjidhet në krye të Polonisë me një fitore të ngushtë
Presidenti polak Andrzej Duda mposhti në fletën e votimit liberalin Rafal Trzaskowski. Me 99.7% të votave të numëruara, Duda është 51.2% dhe është drejt një fitoreje të ngushtë. Sipas të dhënave të komisionit zgjedhor, Trzaskowski ndalet me 48,79%. Rreth 500 mijë vota ndryshim midis dy kandidatëve.
Votuesit ishin pothuajse 68%, një pjesëmarrje rekord për Poloninë, në atë që është parë në shumë pjesë si një referendum midis dy pikëpamjeve të kundërta të vendit dhe marrëdhënieve të tij me Bashkimin Evropian. Duda ka njoftuar planet për të ecur përpara me reformat e tij të diskutueshme mbi drejtësinë, abortin dhe të drejtat e LGBT.
Duda, 48 vjeç, avokat, ka qenë në krye të shtetit që nga viti 2015. Përfaqësuesi i partisë nacionaliste Ligji dhe Drejtësia(PiS), në raundin e parë të zgjedhjeve presidenciale, më 28 qershor kishte marrë 43.5% të votave.
Ish-eurodeputeti dhe kryetari i kryeqytetit Varshavë, Trzaskowski – anëtar i Partisë Liberale të qendrës së djathtë Civile – ishte ndalur në 30.46% në raundin e parë.
“Ne po mbledhim informacione për disa parregullsi,” tha zyrtari i Platformës Civile Tomasz Siemoniak për agjencinë e lajmeve Reuters.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.