Njihuni me disa nga femrat më frymëzuese në Evropë, ndër to dhe gruaja që mposhti korrupsionin në Rumani!
Sanna Marin, Finlandë. Marin, 34 vjeç, është kryeministrja më e re e Finlandës dhe, për një kohë, ishte udhëheqësja më e re në botë, para se Sebastian Kurz i Austrisë të rikthehej në detyrë.
Greta Thunberg, Suedi. Greta Thunberg nuk ka nevojë për prezantim. Aktivistja 15-vjeçare dy vjet më parë linte shkollën çdo ditë për të protestuar për ndryshimin e klimës jashtë parlamentit Suedez. Koncepti i lënies së mësimit të protestuar, nën sloganin: E Premtja për Ardhmërinë, u përhap në të gjithë botën dhe frymëzoi një gjeneratë të tërë të rinjsh.
Laura Codruta Kövesi, Rumani. Laura Kovesi udhëhoqi luftën kundër krimit në atë që konsiderohet një nga vendet më të korruptuara të BE-së. Ajo kryesoi Drejtorinë Kombëtare të Antikorrupsionit të Rumanisë e dha dënime kundër ministrave, kryetarëve të komunave dhe deputetëve.
Kiki Dimoula, Greqi. Kiki Dimoula, një nga poetet më të njohura të Greqisë, vdiq muajin e kaluar në moshën 88 vjeçare. Reputacioni i saj u vendos nga vitet 1960; ajo mori shumë çmime, përfshirë çmimin Evropian për Letërsi në 2009.
Beate Uhse, Gjermani. Ajo është një figurë kontraversiale, por një gjë është e sigurt: Beate Uhse ka ndryshuar Gjermaninë! Sipërmarrësja theu tabutë me dyqanet e para të seksit në Gjermaninë e kujdesshme të pas luftës dhe solli temën e seksualitetit dhe erotizmit dhe veçanërisht epshin e femrës në sytë e publikut.
Judit Polgár, Hungari. Judit Polgár është një kampione 43 vjeçare e e shahut dhe në përgjithësi konsiderohet si shahistja më e fortë femër e të gjitha kohërave. Polgár është e vetmja grua që ka mposhtur njëmbëdhjetë kampionët aktualë ose ish-kampionë në botë të shahut.
Dosti Banushi – SCAN
Burimi: EuroNews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.