Njohja e diplomave të huaja. Ministra e Arsimit komision për shqyrtimin e dosjeve

Njohja  e diplomave, certifikatave, gradave shkencore dhe titujve akademikë të lëshuar nga institucionet e huaja të arsimit të lartë dhe institucione të tjera të autorizuara, jashtë vendi, tashmë do të shqyrtohen nga përgjegjës për arsim, komisione ad hoc të cilët do të ngrihen me urdhër të Ministrit të Arsimit. Këshilli i ministrave ka botuar në  fletoren zyrtare vendimin i cili parashikon një sërë procedurash  për njohjen ë këtyre dokumentave të lëshuara nga institucionet  arsimore jashtë vendit.

Sipas vendimit, komisioni i cili do të merret me shqyrtimin e  këtyre dokumentave do të jetë i përbërë nga  ekspertë, sipas fushave përkatëse me pedagogë ekspertë të fushës së kategorisë “profesor”, të cilat mblidhen në varësi të numrit të aplikimeve dhe shqyrtojnë dosjet.

Komisioni për shqyrtimin e diplomave, certifikatave, gradave shkencore dhe titujve akademikë   është vendosur që të mblidhet  jo më vonë se 30 ditë kalendarike pas njoftimit për shqyrtimin e një aplikimi. Në përfundim të procedurave të shqyrtimit, komisioni firmos procesverbalin dhe ministri i  Arsimit lëshon vërtetimin për njohjen e gradës shkencore apo titullit akademik  për aplikantët.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.