Njohja e kontributeve për 20 mijë shqiptarë në Gjermani, hidhet firma e fundit

Shqipëria dhe Gjermania kanë shkëmbyer instrumentet e ratifikimit të marrëveshjeve për mbrojtjen e ndërsjelltë të kontributeve shoqërore.

Ambasadori i Shqipërisë në Gjermani Artur Kuko ka firmosur marrëveshjen përkatëse e cila mundëson njohjen e kontributeve për pensionet për rreth 20 mijë shqiptarë.

Marrëveshja për njohjen e ndërsjelltë të kontributeve shoqërore parashikon njohjen e sigurimeve shëndetësore, lejeve të lindjes, sigurimit për aksidente në punë dhe sëmundjeve profesionale, përfitimeve të papunësisë etj. për shtetasit shqiptar që jetojnë e punojnë në Gjermani dhe anasjelltas.

Procesi i nënshkrimit të marrëveshjeve përkatëse ka nisur disa vite më parë .

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.