Njohja e ndërsjellë e sigurimeve shoqërore me Zvicrën – Ibrahimaj njofton nënshkrimin e marrëveshjes!

Ministrja e Financave dhe Ekonomisë, Delina Ibrahimaj ka njoftuar se së bashku me Ministrin zviceran për Çështjet e Brendshme, Shëndetësinë dhe Mbrojtjen Sociale, Alain Berset, nënshkrimin e marrëveshjes për sigurimet shoqërore që siguron trajtimin dhe përfitimin social, të barabartë për qytetarët e të dy vendeve.

“Takimi me Ministrin Berset konfirmoi edhe një herë vullnetin për të forcuar bashkëpunimin e mëtejshëm mes dy vendeve tona” shkruhet në njoftim.

Ndër vite Konfederata Zvicerane  ka ofruar mbështetje financiare për zhvillimin ekonomik e mirëqenien sociale, për sektorë prioritarët, si dhe për përballimin e pasojave të tërmetit të vitit 2019.

Sipas informacionit tw publikuar aktualisht Ministria e Financave dhe Ekonomisë po mbështetet nga qeveria Zvicerane në fushën e punësimit, zhvillimit të arsimit profesional, politikat e zhvillimit ekonomik, parandalimin e pastrimit të parave dhe pronësisë industriale.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.