Njohja e patentave/Shpjegimi i DPSHTRR:  Sa para kursejnë shqiptarët që janë në Greqi apo që udhëtojnë atje

Parlamenti grek ka ratifikuar marrëveshjen për njohjen e ndërsjelltë të patentave për drejtimin e automjeteve mes Shqipërisë e Greqisë!  Drejtoria e Përgjithshme e Shërbimeve të Transportit Rrugor evidenton përfitimet që do të jenë shqiptarët në Greqi.

“Marrëveshja lehtëson jetën e qytetarëve, shmang sorollatjen nëpër zyra, harxhimin e kohës dhe parave! Rreth 700 euro kursejnë shqiptarët në Greqi, të cilët nuk do të kenë nevojë që të kryejnë nga e para procedurat për t’u pajisur me leje drejtimi, por mund të kryejnë konvertimin.

Gjithashtu, të gjithë shtetasit shqiptarë që udhëtojnë përkohësisht drejt Greqisë për arsye familjare, pune apo pushime nuk do të kenë më nevojë të pajisen me lejedrejtimi ndërkombëtare!

Rritja e standardeve dhe e sigurisë së Lejedrejtimit shqiptar, si proces kualifikimi dhe si cilësi prodhimi është një tjetër faktor që ndihmon në procesin e njohjeve nga shumë vendet anëtare të BE-së!” njofton DPSHTRR.

Pas Greqisë, pritet të fillojë pas pak ditësh puna për njohjen së shpejti edhe nga Gjermania të patentave shqiptare.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.