Nju Jork Times: Plani prej 908 miliardë dollarësh që mund të ndihmojë ekonominë
Rimëkëmbja ekonomike, duke u ngadalësuar për muaj me radhë, rrezikon të rikthehet. Kjo është arsyeja pse një listë gjithnjë e më në rritje e ekonomistëve, lobistëve të biznesit dhe grupeve të tjera të avokimit po nxisin ligjvënësit të konsiderojnë një paketë ndihme prej 908 miliardë dollarësh, që aktualisht ka fituar mbështetjen dypartiake në Kongres.
Një plan i kësaj madhësie nuk do të bënte gjithçka që ekonomistët argumentojnë se Kongresi duhet të bëjë, për të ndihmuar punëtorët dhe bizneset gjatë pandemisë së koronavirusit. Megjithatë, ata u shprehën se nëse ligjvënësit i marrin detajet siç duhet, Kongresi duhet ta ndjekë planin sidoqoftë.
“Është brenda atyre kufijve të diskutimit që argumentohet se plani ja vlen të merret në konsideratë. Por sidoqoftë, plani na lë ende me një problem të madh përpara” u shpreh William E. Spriggs, një ekonomist i Universitetit Howard që shërbeu në Departamentin e Punës së Presidentit Obama.
Kompromisi prej 908 miliardë dollarësh nuk është akoma një propozim legjislativ. Shumë nga detajet e tij janë ende duke u negociuar, përfshirë mënyrën se si qeveria duhet të shpërndajë më shumë ndihmë për bizneset e vogla.
Plani përfshin gati 300 miliardë dollarë ndihmë për biznesin e vogël, 180 miliardë dollarë për të papunët dhe 160 miliardë dollarë për qeveritë lokale.
Plani nuk do të ndihmonte të gjithë ata që kanë nevojë për ndihmë dhe mbështetja mund të mos zgjasë mjaftueshëm për të kapërcyer vështirësitë ekonomike të pandemisë, por nëse plani miratohet së shpejti, edhe paratë do të dërgoheshin shpejt. Me rritjen e rasteve pozitive të COVID, si dhe ngadalësimin e fitimeve ekonomike, një numër në rritje i politikanëve janë të gatshëm të pranojnë një kompromis të tillë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.